clopâ
clo|pâ
[AF]
-
v.intr.
movisi in maniere malsigure:
il capo si ferme, / al polse un minût; / i clopin lis gjambis, / al è plen come un gût (Romeo Battistig (?), Ai Piombi);
o vin stentât a fâ lis astis cun chei penâi di cjanusse par vie che il penin impirât fra la scusse e la medole al clopave (Pieri Somede dai Marcs, Il gno prin mestri)
Sin. cloteâ
, balâ
, clupignâ
, pendolâ
, triculâ
, zighiâ
Var. clupâ
-
v.intr.
(fig.)
jessi intune situazion di inciertece, esitazion:
chei altris partîts, che in timp di polse a clopin di ca e di là, a cjaparan posizion a favôr de riforme, ma cun tantis limitazions e cun tantis risiervis di no spaventâ lis animutis timoradis dai conformiscj di ogni sete (Josef Marchet, Diferencis)
Sin. cloteâ
, clupignâ
, pendolâ
, triculâ
, zighiâ
-
vê tindince, ancjemò no sigure, a cjapâ une cierte part:
i predis che a vevin cercjât i risultâts des ideis francesis, si capìs che no clopavin di chê bande (Josef Marchet, Cuintristorie dal Friûl fin sot la Italie)
-
v.intr.
(fig.)
jessi li li par inmalâsi:
e començà a clopâ; no mangjave vulintîr, cence savê parcè si meteve a vaî (Pieri Menis, Pascute)
-
jessi li li par lâ di mâl:
un ûf che al clope (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
-
ancje di alc di inanimât o di struturis, istituzions e v.i., jessi intune situazion di pericul, di prospetive incierte:
epûr la Filologjiche no à ni patît ni clopât, mai. A son passâts il fassisim, l'antifassisim, il '48, il '68, il re, lis vueris, i partîts, la regjon friulo-juliane, Triest capitâl dal Friûl, lis 125.000 firmis di lote par la universitât, la Messe in furlan, la Biblie… e la Filologjiche salde, cuiete, simpri li (Riedo Pup, Al jere une volte il furlan);
la decision dai judiçs e à metût in dificoltât i socialiscj catalans che, par altri, a viodin a clopâ simpri di plui la aleance di guvier cun ERC e ICV-EUiA (Carli Pup, Madrid cuintri de Catalogne)
-
v.intr.
jessi li li par indurmidîsi:
la frute e clopave e intun moment e fo une altre volte indurmidide (Gianni Gregoricchio, Trê feminis)
-
dai voi, sierâsi pe sium:
al era il sio misteir chel ì da stâ cui canais, da pierdasi a tignîju cont, a mateâ cun lour, a cuietâju fin cuant che a clopavin i voi e la sum a si ninçalava sora li cuni (Novella Cantarutti, Deventâ stria)
-
v.tr.
movi di ca e di là:
siôr Turo al clopà il cjâf ancjemò e si passà une man su la bocje e su la muse (Dino Virgili, La aghe da pît la cleve)
Proverbis:
- a clopin plui i zenoi di disore a vignî jù, che no di abàs a lâ insù
- e clope ancje la code dal mus, ma no cole
