Dizionari de Lenghe Furlane

bagolâ  ba|go|lâ  [CO]

1. v.intr. vê un moviment inciert:  [i uciei di aghe] e svoletin e bagolin / van sot aghe e a tornin fûr. / Si resentin si becolin / po si corin ben daûr (Toni Broili, La mê ploiute); o viôt i flocs di nêf che, bagolant, si poin su lis lastris e la plane dal barcon (Renza Vallentinuzzi, Nadâl)
   Sin. balâ , clopâ
2. v.intr. jessi inciert tra plui pussibilitâts:  al bagolave denant de sielte fra un altri tentatîf o pûr cori viers la place (Mauro Daltin, Pauli Cantarut, Marcjis e danzis)
   Sin. cencenâ
3. v.intr. scherçâ o passâ il timp a gjoldi o cence costrut:  chês frutatis che bagolin / sempliçutis pes culinis (Toni Broili, Filipiche sgnocolose)
   Sin. bagolâle , bagolâse

Polirematichis e espressions idiomatichis

• bagolâle v.pron.
• bagolâse v.pron.