carote
/-ò-/
ca|ro|te
[AF]
-
s.f.
[AF, TS]
bot.com.
plante di ort che e fâs une lidrîs colôr naranç che si mangje, lat. sient. Daucus carota:
si semene cesarons bunorîfs, fave, carotis […] (Giuseppe Ferdinando del Torre, Il contadinel. Lunari par l'an bisest 1860);
si semenin a filis lis carotis par Setembar (Emilia Baldassarre, Ort e cusine)
Var. carotule
-
gastr.
lidrîs di chê plante, che si pues mangjâ crude o cuete in plui manieris:
svuacet di vigjel e di cjastrât cu lis carotis (Anonim, La gubane di Cividât)
-
s.f.
(fig.)
cun riferiment a chê lidrîs che si da ai cjavai o ai mus, che le presein tant, premi o benefici che si da a cdn. par convincilu a fâ alc, in gjenar alternât cun cjastîs:
o vin cerçât «il baston e la carote» di tancj parons forescj di ogni sete (Josef Marchet, Cumò che o savìn…);
felicitât traviars la eficience, la organizazion, la tecniche. Utilizant la carote dal consumisim (Riedo Pup, Furlans: alt, no cussì!)
-
s.f.
[FÛ]
robe false, inventade par imbroiâ o par fâ ridi:
"Disêtmi cjara vô la veretât, / […] / dulà zeviso cuant che i vi ai cjatât; / ma mo, se i mi cjaçâs cualchi carota, / possi murî se plui vi torni a fota." (Eusebi Stele, Se par vostra bontât vorês scoltâ);
soi ca cu un fat dei cavalîrs erants, / co i umign levin ducj in spade e in guants. / Dirès che è une carote; / ma us citi in testimoni Don Chissiote (Pieri Çorut, Antigaiis)
Sin. bufule
, sflocje
, luianie
, storie
, naine
, flabe
, sflandocje
, sflandogne
-
s.f.
[TS]
gjeol.
campion cilindric di minerâl o altri materiâl che si gjave dal teren mantignint la stratigrafie:
ca di cualchi ore i miei oms i puartaran i esits da lis primis carotis e de composizion chimiche dal teren (Raffaele Serafini, Contis sot spirt)