buligâ
bu|li|gâ
[CO]
-
v.intr.
movisi in grant numar, soredut in maniere che e je o che e somee disordenade:
biel a buinore la vile a pareve un furmiâr; la int a entrave a trops e buligave par ducj i cjantons (Luigi Gortani, Al marcjât di Vile);
la int bulighe pe vile e la glesie è plene (Giuseppe Ferdinando del Torre, Il contadinel. Lunari par l'an 1887)
Sin. 'siminâ
Var. buliâ
, bulegâ
-
jessi caraterizât dal movisi di tancj elements:
la tiere nere, a penis savoltade dai fiers, e buligave di tantis besteutis di ogni sorte (Roberto Ongaro, Il pecjât di Mosè)
-
v.intr.
movisi a pene un pôc:
il mâl malin lu à tant butât jù che al stente a buligâ (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
-
v.intr.
movisi e fâsi sintî in maniere no nete, no clare, come tremant:
a mi cjacarava comi inglucjît, cu la vous che a i buligava in gola (Aldo Tomè, Bisugna di afiet)
-
v.intr.
movisi dentri vie o sot vie, sedi di alc di materiâl che di alc di imateriâl:
cuant che però si avizinava la stagjon da Viarta e lis fiestis di Pasca, alc nus buligava dentri. Scomenzavin a insumiâsi di ûs colorâts […], o di pinzis (Delchi Tirel, Il pan dal Sgrif);
la Cuchine je incinte, / ja sintût a buligâ; / che a prepari lis fassutis / e i panuts di batiâ (Popolâr - Valentino Ostermann, La Cuchine je incinte - Villotte friulane)
Sin. movisi
, messedâsi
-
v.intr.
fâ alc, impegnâsi in maniere ripetude o ancje frenetiche:
si vîf… / e un biel moment / dopo tant lambicâ, / buligâ / talpinâ stradis […] (Catine Vencjarut, Vivi)
Sin. movi
, messedâ
, traficâ
-
v.intr.
vê une reazion
Sin. çugnâsi
, movisi
, bacilâ
, zirâsi
, voltâsi