çugnâsi
çu|gnâ|si
[CO]
-
v.pron.intr.
(ancje fig.)
movisi a pene, tacâ a movisi:
la aghe nere si çugnà, e clupà, e tacà a movisi (Dino Virgili, Il cûr te tiare);
la cunvigne de Aidlcm a Tarcint, ancje chê e à zovât. Benon, alc si çugne (Adrian Cescje, Memoriis di politiche linguistiche)
Sin. movisi
-
v.pron.intr.
movisi, lâ ator a fâ alc, in sens indefinît, ma in gjenar par rivâ a un risultât:
nol lassave mancjâ nuie in cjase, ma nol saveve parâsi in altri mût, de vite, ni çugnâsi in cualchi rizîr che al ves rindût (Maria Forte, Cjase di Dalban)
Sin. movisi
, zirâsi
, voltâsi
, dâsi lis mans intor
-
v.pron.intr.
vê une reazion, fâ alc, pensâ alc, vê une preocupazion, impegnâsi in consecuence di un fat o in cont di un alc:
l'an de invasion, che al vignarès a stâi il '66, cuant che la Italie e à cjapât il Friûl. Ca nissun si çugnave par vie che si sintive a dî che i talians lis cjapavin par tiere e par mâr. Duncje pericul no 'nd jere (Riedo Pup, La invasion);
[i puars] a presentarin un ricors al Tribunâl di Udin […]. Ma a Udin no si çugnà nissun di dâur rispueste (Alviero Negro, Int di masnade)
Sin. movisi
, zirâsi
, voltâsi
Cfr. preocupâsi
, pinsirâ
, dombolâsi