Dizionari de Lenghe Furlane

brie  bri|e  [CO]

1. s.f. impegn, sfuarç che si met par fâ une ativitât e ativitât che e derive di chel sfuarç:  la nestre brie, / il nestri mateâ, il lâ daspant / par tignî sù il morâl de Furlanie, / saressial, po, dibant? (Ercole Carletti, Letare di ufizi)
   Var. brighe
   
   1. cure, interès:  "Vergjin Beada, tu no ti âs pi bria dai toi fîs" (Pier Paolo Pasolini, I Turcs tal Friûl)
2. s.f. bisugne, necessitât:  Vera e à cumò dome brie di cirî il pai e la mame e viodi dulà che la vuere ju à sbalotâts (Ivano Urli, Storie di Vera); cualchi volte si sta di mancul a cjatâle pronte [la salate za lavade], che e je dome brie di metile te terine e di cuinçâle (Elena Zanussi, La gnove maniere di comprâ verdure in Friûl)
   Cfr. bisugn , bisugne , coventâ , vê , scugnî
   
   1. ocasion, oportunitât:  […] al disè cun vôs sigure, che no lassave brie di ribati (Jolanda Mazzon, Fûr di timp)
      Cfr. mût , maniere

Proverbis:

• no je brie a doprâ, e je a mantignî