bisugne
/-ù-/
bi|su|gne
[FO]
-
s.f.
il coventâ, il jessi necessari:
cence bisugne di sburts, il portelon dongje si jere viert (Gianfranco Pellegrini, La otave corsie)
Sin. necessitât
, dibisugne
, bisugn
, dibisugn
-
s.f.
situazion di mancjance, reâl o percepide o pussibile, di alc di specific o ancje gjenerâl o sotintindût, par esempli di mieçs economics, fuarcis, jutori e v.i.:
al sintive la bisugne di parâ jù alc di cjalt che i comedàs il stomi ancjemò savoltât (Amedeo Giacomini, Tal ospedâl);
dâ di mangjâ, judâ tun lavôr, assisti tune bisugne o tune malatie, insegnâ a cui che nol sa, chês a son caritâts (Riedo Pup, I furlans e la caritât)
Sin. necessitât
, dibisugn
, dibisugne
, bisugn
Var. bisigne
-
spec. tal pl., ce che al covente, risorse, cuantitât e v.i. che e covente:
la economie furlane e rivave a sodisfâ lis bisugnis elementârs di sussistence de int (Adrian Cescje, Liniis di storie sociâl e economiche dal Friûl 1500 - 1800);
si è ufiert di fânus di piezo cui deputâts, di fâur capî lis nestris bisugnis (Alviero Negro, Int di masnade)
Polirematichis e espressions idiomatichis
Proverbis:
- a volê fâ robe no bisugne vê pôre dal diaul
- ce che no si po vê bisugne donâ
- i bêçs bisugne savêju spindi
- il cjar par che al cori bisugne onzilu
- nol baste vê reson, bisugne fâle intindi
- o di paie o di fen bisugne che si jempli il magazen
- par cognossi il biel, bisugne viodi il brut
- par screâ bisugne bagnâ
- te bisugne, si scugne