Dizionari de Lenghe Furlane

a moments    [CO]

1. loc.av. intun timp une vore dongje tal futûr:  duncje, a moments a saran culì chei dal «Friûl pal Mont» di Udin (Alviero Negro, La cjase); «A ce ore tornial Ricardo?» i domandà. «Al è culì a moments. Al cor come un demoni, in biciclete» (Carlo Sgorlon, Prime di sere)
   Sin. dal moment , subite , daurman , subit , di buride , intun lamp , moment par moment , di moment in moment , di bot , in curt
2. loc.av., loc.coniun. par segnâ alc che al podeve sucedi e nol è sucedût par pôc o che alc o cdn. al è une vore dongje di vê une cualitât o une cundizion o sim.:  e il vieli, ruspi, daûr: "Ce covente vaî!" e a moments al vaìve ancje lui (Dino Virgili, La aghe da pît la cleve); « […] o ai mangjât un salam, ma un salam, femine, che mi displâs di no vêtint puartade une fete». «Bon?». «Come il nestri, a moments» (Meni Ucel, Il salam)
   Sin. negozi , negozi che , robis che , robe che , afârs che , cuasi
   Var. a moment
3. loc.av. in maniere no seguitive, in maniere episodiche, interote, alternade e v.i.:  il soreli al cucave a moments jenfri dal fueam novel e al zuiave cu la sacume dai doi fantacins che a lavin indevant nasant il bonodôr de tiare frescje (Gianni Gregoricchio, Îr e doman)
   Sin. a bugadis , a dadis , a tratis , a butadis

Components:

• moment s.m.