Dizionari de Lenghe Furlane

vignarûl  vi|gna|rûl  [CO, TS]

1. s.m. sart. protezion pe ponte dal dêt, pal solit di metal, che e permet di sburtâ la gusiele cuant che si cûs, cence fâsi mâl:  alore lui al tire fûr fîl, vignarûl e gusiele e si met a comodâ la manie (Toni Bidel, Il vignarûl)
   Sin. dedâl
   Var. mignarûl
2. s.m. (ancje fig.) recipient une vore piçul, tace une vore piçule:  a si dirès / che dut il brût al stas tun vignarûl… (Pieri Çorut, Il Strolic furlan par l'an 1833)
   Cfr. bussul
   
   1. cuantitât tignude intun recipient une vore piçul, intune tace une vore piçule:  "[...] ma vô e vês tornât a bevi, mostro di omp." "[...] Un vignarûl, o ai bevude une gotute no di plui" (Costantino Smaniotto, Il cjalçumit); si tacave a comprâ un vignarûl di ûfs di pavee [di semence di cavalîrs] fra sant Zorç, ven a stâi ai 23 di Avrîl, e sant Marc, ai 25 (Angelo Floramo, Sul "fîl" de storie)
      Cfr. bussul , gote , sclip , tic¹
   2. (fig.) robe o persone une vore piçule:  "Ma ze puartaiso daûr chel vignarûl di frut alì, che al è une cuarte fûr de tiare!" (Bepi Zampar, Canais di taviele)
      Cfr. micul , cacit , fruçon

Polirematichis e espressions idiomatichis

• inneâsi intun vignarûl di aghe loc.v.