Dizionari de Lenghe Furlane

vê a cjâr    [BF]

1. loc.v. vê un sintiment di amôr par cdn. o par alc:  co al ven a mancjâ cualchidun che si àlu a cjâr, al pâr simpri di restâ di bessôi (Dino Virgili, La aghe da pît la cleve)
   Sin. volê ben , volê bon , vê in afiet , amâ , vê cjâr
2. loc.v. vê une preference:  a none Lise no i dulive plui che la brût e stes lontane; che e veve a cjâr, scuasit, di sei bessole (Maria Forte, Cjase di Dalban)
   Sin. volê¹ , vê miôr , amâ , preseâ
3. loc.v. calcolâ impuartant e impegnâsi o dâsi pinsîr par alc:  aes democratichis e ai democratics di ogni paîs e localitât, a cui che al à a cjâr, parie cun ducj i dirits, i dirits linguistics, in mût indipendent de sô marilenghe o de lenghe che al dopre, ur domandìn di sotscrivi chest apel (Comitât 482, L'apel dal Comitât 482 pai dirits linguistics)
   Sin. vê a cûr

Components:

• cjâr adi., s.m.
• vê v.tr., v.aus.