umiliâ
u|mi|li|â
[CO]
-
v.tr.
tratâ in mût di sbassâ o di ofindi il valôr, la dignitât di cdn. o di alc:
tropis voltis no lu aio maledît, chest amôr che mi veve umiliade? (Gianni Gregoricchio, Îr e doman);
[i inteletuâi] a son deventâts parassits, int mantignude che e supe la medole culturâl dal nestri popul e ancjemò sore i spude e lu umilie disint che nol à culture e che nol à valôrs (Antoni Beline, Ce àno studiât i studiâts?)
Sin. sbassâ
, svilî
, avilî
-
v.tr.
ridusi la intensitât, la fuarce:
il profum des rosis al umiliave il savôr penç dai toscans e dai spagnolets (Domeni Zannier, La crete che no vai);
e cjatave simpri lis peraulis justis par umiliâ i nestris marums (Meni Ucel, In Afriche)
Cfr. moderâ
, morestâ
, corompi
-
v.tr.
fâ une azion di purificazion, cuintri des infezions e des inflamazions, fâ tornâ in cundizion di salût e di regolaritât:
la mîl di âfs, par esempli, che ti smuele il siarament e ti umilie l'intestin (Riedo Pup, I furlans e lis medisinis);
il vueli al umilie lis scotaduris (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Cfr. rinfrescjâ
, disinfetâ
, difetâ
, netâ
, purgâ
, mortalizâ
-
(fig., scherç.)
di robe di bevi o di mangjâ, dâ plasê, sodisfazion, fâ stâ ben:
cuatri glotudonis di ramandul par umiliâ il bultricut, e vie (Arturo Feruglio, Viaç a Vignesie);
il bocâl par umiliâ la agadorie no ti mancjarà (Josef Marchet, Lis predicjis dal muini)
-
v.tr.
bagnâ un pôc:
umilie un pôc chê blancjarie par distirâle ben (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Sin. umidî
, inumidî
