tasê
ta|sê
[FO]
-
v.intr.
no fevelâ, stâ cidin:
cumò a tasevin ducj i doi; al passà un moment tant cidin che si sintive a bati i lôr cûrs (Pieri Menis, Si disarès che e je inventade);
cuant che lui al passave a tasevin dibot, e a tornavin a tacâ a pene che al si jere slontanât un tic (Carlo Sgorlon, Prime di sere);
"Tâs tu, che no tu capissis nuie!" (Stiefin Morat, Donald dal Tiliment)
Sin. stâ cidin
-
v.tr.
no dî, no pandi:
ignorâ la diference nazionâl […], discriminâle cul tasêle, sperant di assimilâle ae maiorance intal timp di un pâr di gjenerazions (Adrian Cescje, Memoriis di politiche linguistiche);
cheste circostance, a pensâ ben, no jentre cu la inocence. Anzit, al è miôr tasêle (Riedo Pup, Il scandul dal Corpus Domini)
-
v.intr.
sopuartâ a cidin cence protestâ ni rivoltâsi:
chê discjapielade, chê bussade di man comandade ai fruts, e simpri tasê, al jere come un vivi di sclâf e, inmò piês, tirâ sù a sclâf i fîs (Dino Virgili, La aghe da pît la cleve);
invezit di lavorâ, ubidî e tasê, e continuâ a fâ i cjampaniliscj ae vecje maniere, si son metûts tal cjâf di fâ lis robis in grant; a pretindin di començâ a vierzi bocje e fâ valê i lôr dirits (Riedo Pup, I furlans e il cjampanilisim)
Sin. gloti
, mandâ jù
, parâ jù
, subî
, stâ cidin
Polirematichis e espressions idiomatichis
Proverbis:
- al è miôr tasê co no si po dî ben
- al è miôr un cjan che al baie che no un che al tâs
- al è plui ce fidâsi dal cjan che al baie che no di chel che al tâs
- cualchi volte cui che al à il plui biel tasê, al cjacare
- cuant che a fevele la fuarce, a tâs la reson
- cuant che no si po dî ben, al è miôr tasê
- cuant che si è stufs di tasê, si scuen sbrocâsi
- cui che al à il plui biel tasê, plui al fevele
- cui che al fevele al semene, cui che al tâs al racuei
- cui che al tâs al conferme
- cui che al tâs nol dîs nuie
- cui che al viôt, sint e tâs, al è segn che al vûl vivi in pâs
- cui che al viôt, sint e tâs, al vûl vivi in pâs
- cui che nol sa che al tasi
- dî e no fâ al è tant che tasê
- e je miôr figure a tasê che no a fevelâ
- fâs e tâs
- in chê cjase che la gjaline e cjante e il gjal al tâs e je pocje pâs
- la ruede che e dovarès tasê si fâs sintî plui di mai
- miôr tasê che no vê la peraule vueide
- nissun nol à di dî ce che si pretint che al sei tasût dai altris
- ogni mat al pâr savi cuant che al tâs
- par vê pâs sint e tâs
- se si mangje e si tâs, si mangje in pâs
- si fâs e si tâs
- sintî e tasê
- tant tasût e tant pierdût
- tasê, lavorâ, patî, preâ
- trê robis impussibilis: fâ stâ fers i fruts, fâ cori i viei, fâ tasê lis feminis
- trop si dîs e plui si tâs
- un biel tasê nol fo mai scrit
- un che al tâs al fâs buine figure cun metât di savê
- vuarditi dal cjan che al tâs