strie
stri|e
[FO]
-
s.f.
femine che, daûr de crodince popolâr, e varès podês magjics e che ju doprarès par fâ mâl:
"Picjât un Crist su la puarta che al tegni lontan li striis!" (Novella Cantarutti, La aga di Plan da li steli);
a volevin dî che li daûr la Cleve, dongje lis maseriis dal Mulinat a vignissin lis striis sul mani de scove (Dino Virgili, La aghe da pît la cleve);
e jere une volte une strie che e veve une bielissime fie e le tignive sierade parsore di une toresse che no veve puartis par jentrâ (Andreina Nicoloso Ciceri, Blancje come la nêf - Racconti popolari friulani I)
Sin. cjapielate
Cfr. strion
, sbilf
, vencul
, malandant
, benandant
, fracule
, cjalcjut
, fade
, maghe
, medisinarie
, agane
-
s.f.
(fig.)
femine triste o ancje insiemi vecje, brute e triste, ancje tant che ofese:
e jere ancje chê strie di femenate, che nus à dade malvulintîr la polente (Catarine Percude, Lis âfs);
"Va vie, ti ai dite, e subit.., âstu capît brute strie! Se no…" e i faseve come moto di dâi (Pieri Somede dai Marcs, Nardon e Vigjute di Nani)
Sin. sbilfe
Polirematichis e espressions idiomatichis
Proverbis:
- cui che i falin tal dî il credo tal batiâlu al viôt lis striis
- prin dal an, pas di cjan; Pifanie, pas di strie
- prin dal an, un pît di cjan; Pifanie, un pît di strie