fade
fa|de
[CO, TS]
-
s.f.
trad.pop.
femine o figure sorenaturâl feminine cun podês magjics, che in gjenar e dopre par fâ dal ben:
lis monts e lusivin a blanc: monts dolcis di Cjargne, monts di striis di Gjermanie, di fadis e di aganis, di guriuts e di maçarots, di salvans e di danâts dal Moscjart, monts di fantasie di tramontane (Domeni Zannier, La crete che no vai);
tal bosc li ator e vivevin lis fadis (Popolâr - Istitût di Ricercje Achil Telin, La buse dal Diaul - Tiaris di Cividât e de Badie di Rosacis)
Var. fale2
Cfr. strie
, maghe
, agane
-
(ancje fig.)
in metaforis e paragons, femine une vore biele e delicade, che e incjante o che e fâs robis tant ben che a somein une magjie:
se une dì le cognossarai, cheste persone, i domandarai ce che e pense di mê, cemût che mi viôt: fade o strie? (Barbara Battel, Fade o strie);
cuant che si môf e somee svolâ… e je une agane, une fade (Checo Tam, Sophia)