vencul
/vè-/
ven|cul
[CO, TS]
-
s.m.
trad.pop.
spirt di une persone ostîl o triste, che e à podês sorenaturâi, che al jes dal cuarp e che al va a cjalcjâ sul stomi di cui che al duar e che al è ogjet de sô ostilitât:
nus contavin la storie / […] / del vencul, del cjalcjut / che al vignive di gnot sul covertôr… (Enrico Fruch, Memoriis di scuelâr);
il vencul al bale ancjemò sui stomis e sui cûrs e lis sôs mans di tanaie, strentis ator dal cuel, si sierin cuntune ridude che e glace il sanc (Domeni Zannier, La crete che no vai);
durant la not, Delio al si à dismot cun un grant dolour intal stomit: “Il vencul”, al à pensât, “che al mi salta intal stomit” (Ovidio Colussi, Disfortunis)
Sin. sbilf
, cjalcjut
, smarve
, fracule
, pesarin2
, pesarûl
Cfr. strion
, malandant
-
persone che e à il podê di lâ fûr cul spirt dal cuarp e di lâ a tormentâ altris intant che a duarmin:
chenti ator a si diseva che i vencui a erin ons che a vevin un difiet fisic, che a erin segnâts (Popolâr - Istitût di Ricercje Achil Telin, Tiaris di Acuilee, p. 131)
-
sensazion di sveâsi cence la pussibilitât di movisi e di respirâ, che te tradizion popolâr e je causade di chel spirt:
tal sium, cuant che al cjape il vencul, al pese sul stomi e nol lasse il volt al respîr (Maria Forte, Cjase di Dalban)
-
s.m.
(fig.)
persone o robe che e cause un grant torment:
un documentari su la crise de citât industriâl, la citât magjiche e dal diaul, il pericul imigrazion, il vencul de delincuence (Marc Stolf, Al è simpri cualchidun che al è "plui mancul" di te)
Sin. cjalcjut