cjalcjut
/-ùt/
cjal|cjut
[CO, TS]
-
s.m.
trad.pop.
spirt di une persone ostîl o triste, che e à podês sorenaturâi, che al jes dal cuarp e che al va a cjalcjâ sul stomi di cui che al duar e che al è ogjet de sô ostilitât:
tal doman gji contava ai soi che il cjalcjut gji cumpariva in forma di una bestia granda cumi un gjat, che tal jet, gji scomensava cjaminâ sù pai pîts, po gji vigniva simpri plui sù, sin ta bocja dal stomit, deventant simpri plui pesant fin a vuarê scuasi scjafoiâlu (Ranieri Mario Cossâr, Luisut e il cjalcjut);
il cjalcjut al saltà fûr dal so cjanton e al vignì sù cui pîts parsore dal so stomi e dal so cuel, cui stafets di plomp. Lis cuestis tibiadis e strenzerin i palmons (Domeni Zannier, La crete che no vai)
Sin. sbilf
, vencul
, smarve
, fracule
, pesarin2
, pesarûl
Cfr. strion
, malandant
-
persone che e à il podê di lâ fûr cul spirt dal cuarp e di lâ a tormentâ altris intant che a duarmin:
chel on, che al seave cun lôr, al are un cjalcjut e el so spirt, trasformât in avon, i à servît par lâ a cjalcjâ (Popolâr - Istitût di Ricercje Achil Telin, L'avon, spirt dal cjalcjut - Tiaris di Acuilee)
-
sensazion di sveâsi cence la pussibilitât di movisi e di respirâ, che te tradizion popolâr e je causade di chel spirt:
mi capite dispès ancje il cjalcjut: ce brut sveâsi e no rivâ a movisi e sintî… come un alc… che ti ten… fer!!! (Checo Tam, Ombris)
-
s.m.
(fig.)
persone o robe che e cause un grant torment:
ai prins di Mai dal '45, ancje il flagjel de vuere al finì: la int si sintì diliberade dal cjalcjut (Francesc Placerean, Cuintristorie dal Friûl dal 1866 fint in dì di vuê)
Sin. vencul