Dizionari de Lenghe Furlane

specolâ  spe|co|lâ  [CO, TS]

1. v.tr. agr. gjavâ grans, semencis o pomis di struturis vegjetâls li che a son tacadis dongje, tant che vuaìnis, cosui, raps, riçs e v.i.:  jo e Gjone, che o specolavin bagjigjis li dongje, e che o vevin sintût, i vin dit a Silvio […] (Meni Ucel, I colaçs); done Pine, sentade suntune cjadreute basse, e specolave biei cosui di cesare promedie (Pieri Menis, Chei di Muraie); i oms a specolavin i fasûi (Redazion La Patrie dal Friûl, "Us conti une conte…")
   Sin. sgrignelâ , disgrignelâ , svruiâ , disvruiâ , dispecolâ , disgragnolâ , disgranâ¹
   Var. sprecolâ
   Cfr. scosolâ , discosolâ
   
   1. (par anton., ancje ass.) gjavâ i grignei de panole:  fûr pai cjamps sofle la buere, / art il fûc sul cjavedâl / e la none lis panolis / e specole tal grimâl (Enrico Fruch, Istât e Autun); lis seris di une volte, chês de sô zoventût, profumadis di fen o di panolis che ti spietin sul cjast, par specolâ ducj insieme (Nadia Pauluzzo, Il bintar); al specolave cul zei jenfri lis gjambis, sot il puarti, e la blave di l’an passât e sunave sot i dincj dal fiar a ogni strente (Dino Virgili, La aghe da pît la cleve)
      Sin. sgrignelâ , disgrignelâ , svruiâ , disvruiâ , dispecolâ , disgragnolâ , disgranâ¹ , fruçâ , gratâ
2. v.tr. (fig.) fâ alc passant alc pes mans, pai dêts, cun precision, un element par volte, in grande cuantitât:  e veve specolât centenârs di rosaris domandant ae Madone che jal fasès tornâ (Roberto Ongaro, Il muc)
   Sin. disgragnelâ , disgragnolâ , dispecolâ , disgranâ¹
   
   1. fâ une azion che e previôt il passaç o il sucedi di un element par volte in grande cuantitât:  i sorei e specolavin zornades (Domeni Zannier, Nô, chei da la art, e il mont)