Dizionari de Lenghe Furlane

disgragnelâ  dis|gra|gne|lâ  [CO]

1. v.tr. agr. gjavâ grans, semencis o pomis di struturis vegjetâls li che a son tacadis dongje, tant che vuaìnis, cosui, raps, riçs e v.i.
   Sin. specolâ , svruiâ , disvruiâ , dispecolâ , disgragnolâ , disgranâ¹
   Var. disgrignelâ
   Cfr. scosolâ , discosolâ
   
   1. (par anton., ancje ass.) gjavâ i grignei de panole:  saltarai fûr cun cualchi storiele / di chês che puar mio von e mi contave / da cja del fûc, cuant che al disgragnelave (Pieri Çorut, Preambul a la Zonte domenicâl del Friûl del 1850); vie pal Inviar al disgragnelave une tamane di panolis cul gratin e la prontave par lâ a mulin (Bepi Zampar, Canais di taviele)
2. v.tr. (fig.) fâ alc passant alc pes mans, pai dêts, cun precision, un element par volte, in grande cuantitât
   Sin. specolâ , dispecolâ , disgragnolâ , disgranâ¹
   
   1. fâ une azion che e previôt il passaç o il sucedi di un element par volte in grande cuantitât:  disgragnelâ un rosari di pretescj (Eugjeni Marcuç, Liende a Sant Zuan)