sparniçâ  spar|ni|çâ  [AF]

  1. v.tr. butâ alc ator, in mût che al finissi un pôc pardut:  a vevin za metudis jù lis fognis, e cumò a fasevin il pedrât. I camions a discjamavin i claps e i manoâi a vevin di sparniçâju (Carlo Sgorlon, Prime di sere)
    Sin. sparpagnâ , stranfâ , semenâ , stierni , sgjarnâ
    Var. sbarnizâ
    1. fâ che alc al sedi cuviert un pôc pardut di alc:  la jerbe si disviest dal colôr verdulin par metisi intor chel zalit che al sparnice di aur dute la val (Marisa Gregoris, Ta un timp di Sierade)
    2. fâ che robis o personis che a son dongje a finissin une lontane di chê altre:  un aiar di tramontane, sparniçant i nûi, al veve lassât viodi tocs di cîl blu (Pieri Menis, Sul agâr)
  2. v.tr. (fig.) fâ che alc, materiâl o imateriâl, si difondi, si slargji:  a la femine dal speziâr no i veve parût vêr di sparniçâ la nuvitât framieç des sôs amiis (Gianni Gregoricchio, Îr e doman); clapis, conventiculis e gjornâi a jerin simpri pronts a acusâ, a denunziâ, a sparniçâ suspiets, cualchi volte ancje a fevelâ di tradiment (Giovanni Pillinini, Zuan Batiste Cavedalis - Une vite esemplâr)
    Sin. slargjâ , slandi , difondi , sparpagnâ
Proverbis:
  • se tu vûs sparniçâ une robe, contile in segret