sgjarnâ
sgjar|nâ
[CO]
-
v.tr.
butâ alc ator, in mût che al finissi un pôc pardut:
e cjante che sturnìs, / cjante sgjarnant il fen la bionde 'Sese (Enrico Fruch, Oselande);
la vacje i sgjarnà la cjanaipe par dut il prât e jê e scugnì cori di ca e di là par parâle dongje (Popolâr - Andreina Nicoloso Ciceri, La fie e la fiastre - Racconti popolari friulani I)
Sin. sparniçâ
, sparpagnâ
, stranfâ
, semenâ
, stierni
Var. sgjernâ
-
fâ lâ vie plui personis o bestiis di plui bandis:
a jerin jentrâts tune sale, là che si tignive un comizi di ros, e cun manganei par ca a vevin sgjarnât tancj che a jerin presints (Pieri Menis, Chei di Muraie)
-
v.tr.
scjassâ alc, ancje in maniere di fâi pierdi tocs e di parâju ator:
la buere e jere colade. Al pareve che si fos indurmidide, e che si sveàs dome ogni tant, par sgjarnâ cu lis sôs bugadis rabiosis lis vîts e i morârs (Carlo Sgorlon, Prime di sere)
-
v.tr.
meti in disordin i cjavei
Sin. sgjavelâ
, disgjavelâ
, spetenâ
, dispetenâ
, sbarlufî