solitari
/-à-/
so|li|ta|ri
[AF]
-
adi., s.m.
che, cui che al è o che al vîf isolât, bessôl, soredut par sielte:
dopo il matrimoni disfortunât al veve scomençât a vivi solitari (Carlo Sgorlon, Il dolfin);
solitari, te mê stanzie, o continui la relazion de zornade (Arturo Feruglio, Viaç a Vignesie)
Cfr. sôl
, bessôl
, sengul
, salvadi
-
ancje di plante o di robe inanimade, lontane di altris de stesse sorte:
o vioderin il laris solitari, un arbul supierbeôs che al cresseve une vore plui insù dai siei compagns (Carlo Sgorlon, Il dolfin)
-
caraterizât di mancjance di compagnie, di solitudin, di pôcs rapuarts sociâi:
chê vite mauche e solitarie che tocje di vivi a Moian (Giovanni Gortani, Gjats spiritâts);
notui e raiadas a fasin compania / a mê not solitaria (Giorgio Ferigo, Chel che al impiava fûcs)
-
adi.
di lûc, cun pocje int o nissun, lontan di un centri o des viis di comunicazion, che al è dificil di rivâi:
roiuçs, boschets ca e là, / lûcs solitaris, lûcs di meditâ, / formin par un poete / un complès che lu inspire e lu dilete (Pieri Çorut, Primevere a Cividât);
Crist ur domande di veglâ cun lui almancul une ore, a la ombre palide de lune che e jemple di melancolie chel lûc solitari plen di ulivârs (Antoni Beline, Sant Jacum, là che al finìs il mont)
Sin. desert
, disabitât
, dispartât
, fûr di man
, inacessibil
, isolât
, rimit
-
s.m.
[TS]
zûcs
zûc di cjartis fat di une persone sole:
Dalban, che al slargjave il solitari, al fasè un moto come di scjas a chê peraule (Maria Forte, Cjase di Dalban);
altris setemanis lis passave tes ostariis, sentât tun cjanton a fâ solitaris, simpri cidin e bessôl (Pieri Menis, Destins)
-
s.m.
brilant preziôs fissât di bessôl intun anel