desert
/-èrt/
de|sert
[AF]
-
s.m.
teritori disabitât o scuasi disabitât, e cun cundizions climatichis estremis che a fasin che e sedi scjarse ancje la presince di plantis e bestiis:
la lungje carovane di cjars a motôr e passe sui puints dai "uadi", i flums dal desert (Checo Tam, La vuere di Checo);
si pense che tal desert al sedi cjalt, invezit te prime part de gare si patìs soredut il frêt, in Maroc, in Alzerie e in Libie (Valentina Pagani, Edi Orioli: la braùre di rapresentâ il Friûl)
Var. disiert
, disert
-
adi.
di puest, li che nol vîf nissun e li che ancje la presince di bestiis e plantis e je scjarse:
Rasmus si invie intun paisaç desert e glaçât par une cjace plene di pericui (Fabian Ros, Il cine groenlandês tra art e impegn politic)
-
s.m.
(fig., iperb.)
puest dulà che e je pocje int:
in chei sîts al veve di sei restât dibot un desert e che i Sclâfs des monts a soreli jevât, o invidâts o lassâts vignî dai Patriarcjis, a capitarin a tornâlu a popolâ (Josef Marchet, Cuintristorie dal Friûl fin sot la Italie);
lis lûs impiadis sui cjantons des cjasis e su lis beorcjis des stradis, a mostrin che il paîs al è un desert cence sperance (Alan Brusini, Gian Paolo Linda, I forescj)
Sin. bandonât
, disabitât
, spopolât
, vueit
-
che nol à personis, che nissun nol passe par li:
a di chês oris i cristians a durmivin e pe strade deserte si sintive il pas lent dai nemâi (Pieri Menis, Gno nono);
il coridôr che si invià al jere desert (Amedeo Giacomini, Tal ospedâl)
-
s.m.
(fig.)
situazion ancje psicologjiche di mancjance di contats uman, di calôr, di vite:
al sintive un vueit ta la anemute, un desert intor di se, là che a si sfantavin i ricuarts […] (Dino Virgili, La aghe da pît la cleve);
al reste simpri il desert interiôr, là che la anime si inflapìs e e pendole come une plante cence aghe (Antoni Beline, Sant Jacum, là che al finìs il mont)
Sin. desolazion
, isolament
, solitudin