isolament /-ènt/ i|so|la|ment [AF]
- s.m. l'isolâ, l'isolâsi, cundizion di cui e di ce che nol à rapuarts o contats cul esterni: secont Cavedalis il pericul al consisteve tal isolament politic e militâr dal Friûl. Par salvâsi no jere che une strade: unîsi a Vignesie (Giovanni Pillinini, Zuan Batiste Cavedalis - Une vite esemplâr); tu tu ti sieris tal to isolament e tu cjacaris nome dal to passât (Enrico Martina, Ricuarts e inlusions)
- s.m. proviodiment sanitari di slontanâ un malât di chei altris par pericul di infezion
- s.m. tes presons, il tignî un presonîr bessôl, lontan di chei altris, tant che misure di punizion o di torture psicologjiche: mi àn subite puartât te pereson militâr di Peschiera in isolament (Pauli Cantarut, Bestie)
- s.m. [TS] tecn. schermadure di un cuarp o di un ambient cun materiâi che no lassin passâ ondis sonoris, calôr o eletricitât: si otegnin in alternade (AC) cui trasformadôrs a nucli di fier (AC/AC) ma no oltri un ciert limit par problemis di isolament eletric fra lis parts a basse tension e lis parts in alte tension (Lorenzo Marcolini, Aplicazions des celis organichis nanostruturadis)