solevâ
so|le|vâ
[CO]
-
v.tr.
[BF]
tirâ sù, puartâ alc intune posizion plui alte o fâ che al sedi alt:
e un siroc sglonf al veva cjapât a soflâ, netant via la levantera di prima, e solevant a grancj cavalons tantis ondadis (Federigo Comelli, Il me paîs);
se no fos stade la fuarce de curint a solevâle adun cun lui il fonts le varès glanzide cui sa indulà (Domeni Zannier, La crete che no vai)
Sin. tirâ sù
-
puartâ a plui grande altece morâl, spirituâl, inteletuâl e v.i.:
«Santitât, che viodi di solevâ il so spirt cun cualchi pas de Bibie, da chestis miseriis umanis» (Giovanni Gortani, Un gustâ diplomatic)
-
v.tr.
sburtâ a fâ cuintri a une autoritât:
cui che soleva una rebelion, o pûr che al cjol part, [...] sarà secont la importança dal fat, cjastiât rigorosamentri (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera);
il pape al veve denunziât lis tratativis che Rotgaut al tignive par riclamâ Adalgjîs e par solevâ i duchis che si vevin sometûts a Carli (Sandri Carrozzo, L'indipendentist langobart)
Sin. tirâ sù
, uçâ
, stiçâ
, saborâ
-
v.tr.
liberâ di un pês morâl, psicologjic, di une fadie, di un impegn, di une soference, di une cundizion di miserie e v.i.:
un om râr, / che al gjoldeve in secret / di solevâ il puaret (Pieri Çorut, I benefatôrs secrets);
o sin preâts di dî une avemarie par puare Taresie la Mione, che e je in angunie di misdì incà. Che il Signôr la solevi, puare anime, che sal è mertât (Josef Marchet, Lis predicjis dal muini);
par fortune che al jere li Lissandri, che pûr cence podê fâ robonis, le veve solevade dai impegns plui faturôs (Franca Mainardis, Il sium di Lissandri);
[la Regjon] e ven solevade di coscj no di pôc (Marino Tremonti, trad. Rem Spicemei, Vie lis mans dal Policlinic)
Sin. liberâ
, sfrancjâ
-
gjavâ o ridusi un pês morâl, psicologjic, une fadie, un impegn, une soference, une cundizion di miserie e v.i.:
ce àno savût fâ [i politics furlans] pe lôr base eletorâl, pe lôr tiare, par solevâ la miserie e la mancjance di lavôr de lôr int? (Josef Marchet, Siops)