sincîr
sin|cîr
[AF]
-
adi.
di cdn., che nol imbroie, che nol dîs bausiis, che al fâs corispuindi lis peraulis cui fats, cu la realtât, cu la veretât:
dulà sêstu nassût, in ce paîs? / Ce non âstu? Rispuindimi sincîr (Emilio Nardini, La Batracomiomachie di Omero);
"Siôr dean, siôr dean! / Che al vadi adasi… / che al pensi ce che al dîs. / Lu prei, che al tasi…" / " Masut, ce dîstu tu! Masut?" / "Jo soi sincîr / L'è il dean che al ûl fâus cumò un brut tîr" (Zuan Lurinçon, La batarele)
Sin. sclet
Var. sancîr
, sincêr
-
di alc, che al corispuint ad in plen ae realtât o ae veretât, che nol è pustiç:
il so al jere un displasê sincîr (Gianni Gregoricchio, Lilie);
i lassi vôts di fortune, di pâs, / e i vôts sincîrs vegnin simpri scoltâts!… (Francescje Nimis Loi, Testament)
Sin. sclet
, reâl1
, vêr
-
adi.
che al à control plen des sôs facoltâts mentâls, soredut in confront cun cui che al è cjoc o sim.:
sedit doncje sincîrs senç jessi cjocs; / e massime chest an, / che pe bondance ducj a 'nd bevaran, / l'è il riscjo di cjapânt di chês cui flocs; / ma fait come il mio ami sâr Valantin, / che nol bêf il judizi, al bêf il vin (Pieri Çorut, Il Strolic furlan par l'an 1828)
Sin. tai sintiments
-
adi.
di sostance, soredut di robe di bevi e v.i., pure, no misturade:
vive il vin te tace plene / bon, sincîr e gjenuin / che al si spant par ogni vene / e al nus jemple di murbin (Zuan Lurinçon, Brindis)
Sin. rampit
, sclet
, pûr2
, arût
-
adi.
[BF]
caraterizât di semplicitât e cence pretesis
Sin. sclet
, a la buine
, a la man
Proverbis:
- a jessi sincîrs, si à fuarce
- l'om sincîr si cuiste la stime di ognidun
- si lis pense di sincîrs e si lis fâs di cjocs