Dizionari de Lenghe Furlane

scuasi  /-à-/  scua|si  [FO]

1. av. par indicâ che une azion, une situazion, une afermazion e v.i. no je finide, complete, assolude e v.i. ma i mancje pôc o e je aprossimade:  "Lu trati ben, cun ducj i riguarts, cun ducj i comuts; lu consideri scuasi di famee." (Bruno Paolo Pellarini, Comari 'Sese); un professôr / di grant valôr / lu à scrit cun cure / adasi, adasi, / sence premure / forsi impegnant / trente agns o scuasi (Pieri Corvat, Al ven al ven); une buse scuasi taronde (Pieri Menis, Lis leiendis di Buie)
   Sin. dibot¹ , va e no va
   Var. cuasi , scuasit , scuasin , scuasint
2. av. ancje ripetût, par pandi dubi o par morestâ une afermazion:  "[…] cumò che o i pensi scuasi scuasi i doi rason a lui" (Bruno Paolo Pellarini, L'anel striât)
   Sin. vadì , va e no va , dibot¹
   
   1. tant che rispueste che e pant une pussibilitât, une disponibilitât:  "Metipen che vês fam, ancje" "Eh! scuasi scuasi la vês intivade juste" (Luigi Gortani, La ospitalitât)
3. av. subite prime di un verp, par indicâ che alc al podeve jessi, ancje se nol è stât:  e veve cjapât, tor il clostri, lassât masse infûr, la manie de gjachetine, che scuasi le rompeve cul tiron che i veve dât (Maria Forte, Cjase di Dalban)
   Sin. a moments , mancje pôc che , negozi che , va e no va , dibot¹
4. coniun. par introdusi une comparazion:  e tignive il cjâf bas, scuasi par platâ une pene (Pieri Somede dai Marcs, Nardon e Vigjute di Nani)
   Sin. come¹ , tant che , come che , come se
   Cfr. nancje che , nancje