scartâ
scar|tâ
[AF]
-
v.tr.
escludi, meti di bande intune selezion o te valutazion di plui pussibilitâts:
i vignì di bot la idee di podê sei tisic, ma le scartà: nol jere trop che par servizi al veve scugnût fâsi fâ i rais: i polmons, i vevin dit, a jerin neris di catram, ma sans… (Amedeo Giacomini, Tal ospedâl)
Sin. gjavâ
, spartâ
, lassâ fûr
, parâ vie
, taiâ fûr
, tirâ vie
-
v.tr.
[TS]
milit.
no ricognossi bon pal servizi militâr:
Bertin di Fiu al veve dôs spalis come un parussat. Ae visite di coscrit lu vevin scartât a colp (Alan Brusini, Amîs come prime)
-
v.tr.
(ancje ass.)
intai zûcs di cjartis, butâ une cjarte che si à in man e che no torne buine te strategjie dal zûc:
al veve di butâ denâr e al à scartât, se ben che a 'nd ves ancjemò un (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Sin. butâ
-
v.intr.
[BF]
fâ un moviment in bande:
se il so pas al scarte, lui si drece di plui e cun plui fuarce al mene la scove (Maria Forte, Fadie come ale)
-
v.tr.
[TS]
sport
(ancje ass.)
intai zûcs di scuadre, rivâ a passâ un aversari mantignint il possès de bale:
al scartave, al passave, al crossave, al tirave e il balon al leve simpri tal pont just, no un centimetri plui incà o plui inlà di chel che lui al intindeve (Stiefin Morat, Gjeometriis)
Sin. sghiribiçâ