sbeleâ
sbe|le|â
[AF]
-
v.tr., v.intr.
fâ bocjatis a cdn.:
chei trê garzons si fermavin, chê ore sul misdì, a fevelâ di porcariis da ridi e a sbeleâ lis fantatis che a passavin impicotidis (Dino Virgili, La aghe da pît la cleve)
-
viarzi la bocje in mût pôc elegant, ma no par fâ lis bocjatis:
jo le cjalavi sbeleant e distirant i braçs, plen di sium (Carlo Sgorlon, Il dolfin);
tu tu jeris picinine in chê volte, no tu savevis che sbeleâ tu in chê volte e fâ am-am (Dolfo Zorzut, Mi ûstu ben?)
-
v.tr.
movi o meti une part dal cuarp in maniere che e sedi slavrade, brute e v.i.:
"Scomet che chei rucjins e pesin un dopli dai miei, jo! Pecjât che i sbelein lis orelis" (Catarine Percude, La plui biele);
"No è vere…" "Che mi svuarbi (al met un dêt sbeleant un voli) e po a 'nd disin tantis." "Oh ce vûstu savê tu sbregot" (Pieri Somede dai Marcs, Il prossim)
-
v.tr., v.intr.
cjoli vie chei altris, o ancje alc, cun dispresi:
«Tu sês fi di siôrs tu… ma cence bêçs… tu sês sot des cotulis di tô mari come un poleçut sot de vuede» i sbeleavin i amîs (Pieri Menis, Chei di Muraie)
Sin. burlâsi
, cjoli in zîr
, coionâ
, mincjonâ
, remenâ
, ridi fûr
, cjoli vie
, gabâ
, menâ ator
, sbefâ
, sbefaçâ
, sbufonâ
, scuarnâ
, sorâ
-
no tignî cdn. o alc in nissun cont:
al veve tant odeât, Grivôr, lis sôs lidrîs, al veve tant sbeleât la sô divignince, scune par lui di miserie e di ignorance (Franca Mainardis, Grivôr)
-
tratâ mâl:
o soi vieli, furlans, soi lambicât / dai pinsîrs di famee, / cu la sorte che simpri mi sbelee (Pieri Çorut, Il Strolic mezan par l'an 1866)
-
v.intr.
(fig., scherç.)
soredut di scarpis, çavatis, stivâi e v.i., vierzisi e sierâsi pal fat di jessi rotis:
cun chês çavatis che ur sbelein tai pîts / e la cragne pardut (Pieri Mation, I zingars)