riclam
/-àm/
ri|clam
[AF]
-
s.m.
at di clamâ cdn., soredut a vôs o a mots:
e je stade une vecjute che si è fermade a chel riclam de man che si vicinave (Pieri Menis, Lis leiendis di Buie)
Sin. clamade
Var. reclam
-
vôs o viers, ancje di animâi, par clamâ dongje:
il riclam di une moratule in amôr (Pieri Menis, Chei di Muraie)
-
s.m.
ordin di presentâsi, di metisi a disposizion, soredut di une autoritât publiche o militâr:
daspò i acjadiments dai 8 di Setembar dal 1943 […] si ve in Sud Tirôl il riclam "volontari" aes armis di ducj i oms valents (Renzo Balzan, Vuere e opzions tes valadis ladinis)
-
s.m.
domande o solecitazion a fâ alc intune cierte maniere:
dut chest a front no dome di oblics di leçs e di apei de Comission di Vigjilance su la RAI, ma ancje di plui di un riclam di bande dal Consei de Europe (William Cisilino, Furlan in RAI la situazion a vuê)
Sin. domande
, pocade
, stimul
-
s.m.
comunicazion di proteste, soredut par un servizi che nol va ben, par une situazion negative e v.i.:
fâ un riclam a la Deputazion / cuintri i purcits che van a termenon (Pieri Çorut, Lis mês gloriis)
Sin. proteste
, reclamazion
-
s.m.
element che al fâs nassi interès, capacitât di fâ nassi interès:
cheste fieste, agn indaûr, e veve un ciart riclam, massime tra la int de montagne (Osiride Secco dai Juris, Lis antighis sagris di Tarcint);
la nestre identitât e pues jessi un riclam turistic fuart (Roberto Pensa, La presidente di Federalberghi dal Friûl-V.J. Schneider: «No valorizìn la nestre unicitât culturâl»)
Sin. atrat
, atrazion
, invît
, atrative
-
s.m.
azion, promozion, dimostrazion e v.i. che e clame la atenzion di pussibii clients:
la int […] e cjalave cun amirazion chel cjasament e i plui siôrs a scomençarin a clamâ l'"artist" no plui par sblancjâ, ma par decorâ a specjets ancje lis lôr cjasis, a mût di "Venecia". La façade de cjase e veve fat di riclam par Pieri! (Lucio Perès, Il mâl dal mûr)
-
s.m.
[TS]
venat.
uciel tignût in scjaipule par che al cjanti di maniere di fâ rivâ dongje altris uciei:
sot il vergon al meteve la scjaipule di scjanusse dal riclam, scrufuiât tune cise, al spietave il poiâsi di un parussat, un scriç, un scodaròs (Alan Brusini, Come tai romançs);
un grispin di om, saltarin come un zupet, al judave, par pôcs carantans, a picjâ tai ramaçs lis scjaipulis cui riclams, e a distirâ alte la rêt, ator, ator (Maria Forte, Cjase di Dalban)
-
imprest che si sune imitant la vôs dai uciei par clamâju dongje
-
s.m.
il fâ riferiment a alc, soredut a un test, a un concet, a une nozion e v.i.:
une biele letare di protestis, di spiegazions, di lezions, di riclams a la storie, di declarazions di fedeltât a la Patrie (Riedo Pup, Rispueste: cjalâ e tasê);
la leture no je simpri facile, i vûl fat cualchi acrobazie inteletuâl, i vûl sgarfât inte memorie par capî lis alusions, i riclams, lis cimiadis dal autôr (Laurin Zuan Nardin, Franco Marchetta, "U-", Udin 2013)
Sin. citazion
, riferiment
, rimant
-
s.m.
[TS]
med.
il tornâ a fâ une vacine daspò de prime volte par mantignî une imunitât:
al à fat il riclam de antitetaniche