clamade
/-mà-/
cla|ma|de
[AF]
-
s.f.
il clamâ, il jessi clamât, ancje in maniere uficiâl o formâl:
Lisute si sierave te cjamare cence rispuindi aes clamadis (Maria Forte, La fie çuete);
ogni cuâl trat, ca e là, cualchi clamade: "Lineee! Linuteeee!" (Roberto Ongaro, Cretevierte);
tal neri di chei voi, dopo chê clamade dal priôr, si viodeve alc di strani, alc di gnûf, alc di dolorôs… (Zuan Lurinçon, La Madalene);
la clamade de Comission, firmade dal assessôr, no je ben formulade (Adrian Cescje, Memoriis di politiche linguistiche)
-
comunicazion che e clame a fâ il servizi militâr:
il "Statût di Winchester" dal 1285 al dave la facoltât al re di bandî une clamade massive ma cuntune selezion dai efetîfs (Fabian Ros, La invenzion dal stât)
-
comunicazion che e clame in tribunâl:
il creditôr cumò mi à fat la clamade (Toni Falescjin, Il creditôr e l'avocat)
Sin. citazion
-
s.f.
(fig.)
sburt morâl o psicologjic, di cussience, di istint e v.i.:
i fradis de Nande no le judavin plui, che la miserie e fâs pierdi ancje la clamade dal sanc (Maria Forte, La cjase dal Murat)
-
s.f.
telefonade:
se e jere robe pal bonsignôr, i passave la clamade (Antoni Beline, Pre Pitin);
o ai a pene vude cumò devant une clamade anonime (Laurin Zuan Nardin, Tuuut… Tuuut…)
Sin. clamade telefoniche
, telefonade
-
s.f.
vocazion:
sun chei scjalins […] agns prime al ere inzenoglât un biât frut che si passeve di sium e di rosade e che al cjapave, cui prins rais dal soreli, ancje la lûs interiôr e la clamade (Antoni Beline, La fabriche dai predis)
Sin. vocazion
-
s.f.
[TS]
zûcs
domande fate in cierts zûcs di cjartis al compagn, par che al zui la cjarte juste
-
s.f.
comant dât al cjaval movint la brene:
i ai dade une clamade a la cjavale, e vie di troton (Giulio Andrea Pirona, Novo vocabolario friulano)
