domande
/-à-/
do|man|de
[FO]
-
s.f.
frase dite o scrite cun chê di cirî di savê o di vê alc:
cemût si imparial il lengaç? Cheste e je une domande ancjemò vierte (Giacomo Rizzolatti, Laila Craighero, Speculazions su la origjin dal lengaç);
la domande se al esist un Diu no va indreçade a lis siencis che no àn une rispueste (Lorenzo Marcolini, Recension di La scienza non ha bisogno di Dio);
un cuistionari a stampe cun vincjecinc domandis che a van di chês su lis tradizions popolârs a chês su la emigrazion, la agriculture, e v.i. (Donato Toffoli, Il lunari mai jessût - Tellini te prime vuere mondiâl);
ce domandis di fâmi! (Roberto Ongaro, Il muc)
-
s.f.
il presentâ un document a un ufici, a une autoritât e v.i. par otignî alc, e il document che si presente par chel fin:
presentâ une domande di pension di vuere (Meni Ucel, Dirits);
dispatriâts che a fasin domande di asîl (Guglielmo Pitzalis, Nissun pericul dai forescj)
Sin. istance1
, petizion
-
s.f.
[TS]
econ.
complès di bens o di servizis che i coventin a cui che al compre, in oposizion a ufierte:
al sucêt che par cierts prodots e sei une vore di domande rispiet ae cuantitât e ae cualitât de produzion: la concorence tra impresis no je o e je par une dade di timp limitade e scjarse (Adrian Cescje, Liniis di storie sociâl e economiche dal Friûl 1500 - 1800)
-
s.f.
(fig.)
dibisugne coletive:
rispuindi a la domande educative di un numar cressint di fruts cun profîi culturâls e linguistics diviers e complès (Alessandra Burelli, Educazion plurilengâl tes scuelis furlanis);
la facende linguistiche identitarie no jere cussì semplice come la domande de Universitât o de Regjon Friûl, e tocjave sensibilitâts profondis (Adrian Cescje, Memoriis di politiche linguistiche)
Sin. cuistion
, istance1
Proverbis:
- ogni domande no merte rispueste