propueste
/-és-/
pro|pues|te
[FO]
-
s.f.
il meti sot de atenzion di cdn. un progjet, une ativitât, une prospetive, sperant che al aceti:
tal tornâ indaûr, dongje Aquilee, il motôr nol leve ben… e bisugnave fermâsi par netâ il carburadôr o ce saio jo. Alore un de compagnie, al fâs la propueste, par passâ il timp, di lâ a viodi la Basiliche (Pieri Somede dai Marcs, A Aquilee);
metisi un pôc in sest midiant di un ordenament speciâl, e cul dovê di imbastî propuestis positivis e progjets pratics par chest statût regjonâl (Josef Marchet, Fûr cui che i tocje);
lis nestris propuestis a son stadis discutudis intune riunion de Comission e a son stadis modificadis su cualchi pont (Xavier Lamuela, La grafie furlane normalizade)
Sin. proposizion