proposizion
/-òn/
pro|po|si|zi|on
[CO, TS]
-
s.f.
ling.
struture sintatiche cun sens complet, pal solit formade di un subiet, un verp e in câs diviers complements, dispès in relazion cun altris struturis de stesse sorte che a puedin jessi principâls o secondariis:
la coniunzion al è element dal discors che al à la funzion di leâ insieme, di meti in relazion, dôs peraulis (par esempli doi complements) o dôs proposizions (Pier Carlo Begotti, Federico Vicario, Peraulis di chenti);
une altre maniere [di amâ la peraule], e je chê del gramatic, che i cîr lis cumissuris, par stuarzile e pleâle in mût che e jentri juste te urdidure de proposizion (Josef Marchet, Siôr Tite Cuargnâl)
Sin. frase
-
s.f.
filos., logj.
frase o complès di frasis che a pandin un contignût filosofic, logjic, teologjic cuntun sens complet:
Ramon Llull al veve inventadis autentichis machinis pe produzion di proposizions teologjichis (Mario Turello, Il brevet)
-
mat.
frase che e declare i tiermins di un probleme o di un teoreme:
di cuant che al fo dit che un fas di retis paralelis che a intersechin dôs retis di traviers a determinin classis di segments proporzionâi in forme direte, in graciis de dimostrazion di cheste proposizion, nissun al dubità plui de sô veretât (Adrian Cescje, Viaç aes origjins dal Logos)
-
s.f.
[BF]
il meti sot de atenzion di cdn. un progjet, une ativitât, une prospetive, sperant che al aceti:
o fasei la proposizion a Martin e lui al disè di sì, cu la sô solite semplicitât e condissendence (Carlo Sgorlon, Il dolfin)
Sin. propueste
-
volontât di fâ alc e declarazion di alc che si vûl fâ:
za un trop di adulatôrs mi circondave, / pronts a dâmi rason / in ogni bestiâl proposizion (Pieri Çorut, Adio sperancis mês!)
Sin. proposit
-
s.f.
let.
part introdutive di un componiment, che dispès e da une descrizion in struc di dut il contignût
Sin. proemi