presint
/-ì-/
pre|sint
[FO]
-
adi., s.m.
che, cui che al è tal puest di cui che al fevele o tun puest che al è clâr dal discors:
no si podeve scomençâ vuê i lavôrs, che no son presints ducj i comissaris (Adrian Cescje, Memoriis di politiche linguistiche);
[pe leture dal testament] a jerin presints in cinc, ma il perît ur veve dit che lis parts a scugnivin sei sîs (Pieri Menis, Destins);
ducj i presints a puedin dîus i vantaçs e i merits de cooperazion (Tarcisio Venuti, La cjase di Toni)
-
adi.
ben clâr tal pinsîr, te memorie, te atenzion e v.i.:
al veve presint ogni moment di chê sere che si jere inacuart di une magle rosse [un pussibil tumôr] su la piel di Barbure (Agnul di Spere, Spietant)
-
adi.
che al sucêt in chest moment o in contemporanie cul timp di une narazion:
si sa che lis cjossis no podaressin jessi diferentis intun ordenament politic come chel di cumò […] e je une fatalitât de situazion presinte (Josef Marchet, Dissipline)
Sin. atuâl
, dal dì di vuê
, di cumò
, di vuê
-
s.m.
timp che al è cumò:
l'avignî nol jere ancjemò e il presint nol durave, e al sbrissave subit tal passât (Carlo Sgorlon, Ombris tal infinît)
Sin. vuê
-
situazion de int intun ciert moment:
di bessôl, stuf dibot di vivi, [tornâ tal ospedâl] nol sarès stât par lui un grant mâl: lâ dentri al podeve sei un scjampâ dal presint… (Amedeo Giacomini, Tal ospedâl)
Sin. vuê
-
adi., s.m.
[TS]
gram.
timp verbâl che al segne che la azion e sucêt in chest moment o che e je cence riferiment di timp particolâr:
tal indicatîf presint dal verp jessi, la tierce persone singolâr declarative masculine (al è) e je diferente de tierce persone singolâr feminine (e je) (Maria Chiara Visintin, Gabriele Zanello , Lenghe e culture 1)
-
s.m.
[BF]
robe che si da par zentilece, par fâ plasê, par ricognossince e v.i.:
i saverin a grât, l'avocat e la siore Camile, a mestri Checo! Ben, al fo propit in chê volte che i faserin il presint di cheste pipe francese (Roberto Ongaro, Cretevierte)
Sin. don1
, regâl1
Polirematichis e espressions idiomatichis