regâl1
re|gâl
[FO]
-
s.m.
ce che si da, spec. in segn di afiet, di amistât, di ringraciament e v.i.:
«Se o sarês brâfs, il Signorin us picjarà culì i siei regâi di Nadâl… ma brâfs, eh? se no nuie…» (Pieri Menis, Nadâl ancje par Gjelmin);
la ligrie e rivave simpri cun Miutine cussì cjamade di regâi par ducj e di tabac pal pari (Maria Forte, Cjase di Dalban)
Sin. presint
, don1
-
s.m.
(fig.)
robe, situazion une vore agradide, che e fâs plasê:
vuestri pari […] mi à dit che sês tornât de France e che la vuestre compagnie e sta ben, i vês fat un regalon di vignî a passà Nadâl in famee (Pieri Somede dai Marcs, Gnot di Nadâl)
-
(antifr., iron.)
robe che e displâs, che e ufint, che e fâs dam e v.i.:
denant dal puarton, sul pat, a jerin i creps dal urinâl di pre Pitin, che al veve volût spacâlu alì e lassâ l'ultin regâl e l'ultin spieli (Antoni Beline, Pre Pitin);
il vizi di bevi lu ai cjapât sù di soldât […]: al è un regâl ancje chel che mi à fat la Patrie! (Pieri Somede dai Marcs, Une scarpute)
Proverbis:
- cuant che al burle il fûc, o forescj o regâi o peteçs
- la nêf prin di Nadâl e je dute di regâl