fâ presint
[CO]
-
loc.v.
riclamâ la atenzion di cdn. su alc, in maniere che al vedi plene cussience, che lu tegni in considerazion:
un deputât de Concentrazion Democratiche, l'on. Fabbri, al à fat presint - altre sorprese - che il Friûl al è une Regjon «mistilingue, cun minorancis alogjenis» e che al varès dirit a un ordenament particolâr come la Val di Aoste e il Trentin (Josef Marchet, Gjambadoriis);
"Ma sêso mai lâts, voaltris, a fâur presint lis vuestris lagnancis, prime di ricori ai disordins?" "Plui di une volte. Mo un, mo un altri, mo in tancj delegâts dai contadins e dai sotans…, ma no àn volût nancje ricevinus…" (Alviero Negro, Int di masnade)
Sin. fâ notâ
Components: