organisim
/-nì-/
or|ga|ni|sim
[AF]
-
s.m.
forme di vite cul cuarp costituît di plui orghins o aparâts che a àn funzions specifichis:
[tai Crets di Preon] a son stâts scuvierts fossii di organisims che a vevin vivût tor dai 205-210 milions di agns indaûr (Francesco Gobbo, Gjeologjie e paleontologjie ator di Preon);
a sfloririn in cheste maniere i procariots, che po cuntune straordenarie transizion de competizion ae cooperazion, a permeterin che a nassessin lis celulis eucariotis, e di chestis si formarin i organisims pluricelulârs (Angelo Vianello, La evoluzion su la tiere. Une storie di competizion e cooperazion)
Sin. vivent
-
il cuarp di un individui considerât pe sô costituzion e pe sô salût:
une feride e je une lesion che e pues menaçâ la integritât dal organisim (Franc Fari, Neurosiencis dal dolôr)
-
s.m.
(fig.)
struture fate di plui elements che a operin ducj par chê finalitât stesse:
si trate di studiâ l'organisim legjislatîf de Regjon Furlane, la division des competencis, lis atribuzions des provinciis e dai comuns, la estension de podestât primarie in rapuart a chê des altris regjons (Josef Marchet, Fûr cui che i tocje);
Vignesie, no par gjenerositât ma par necessitât, è decît di istituî un organisim di rapresentance stabile des comunitâts rurâls e dai lôr interès, la Contadinance (Donato Toffoli, I 500 agns dal riviel de Joibe Grasse)
Sin. struture
, organizazion
Cfr. machine
, implant
, aparât