Dizionari de Lenghe Furlane

ogni  /ò-/  o|gni  [FO]

1. adi.indef.inv. par indicâ ducj i elements di un grup, di un complès, ancje sotintindût, cjapâts te lôr individualitât:  al pues sei di açâl il cûr di une mari che al treme di istès. Che ogni fi al è grant plui di ogni robe grande (Maria Forte, Cjase di Dalban); dopo un faliment di chê fate ogni volte che a fevelin a pierdin une buine ocasion di tasê (Josef Marchet, I trê savis di là jù); a 'nd è, si capìs, gjornaliscj di ogni fate, di ogni pêl, di ogni nivel (Riedo Pup, Il partît dai zovins coscrits)
   Sin. dut
   Cfr. cualsisei , ognidun , ognissei
2. adi.indef.inv. cun valôr distributîf prime di une indicazion di cuantitât, o cence indicazion di cuantitât sotintindint che e je di une unitât:  une pensionute decorose, che il puestin i consegnave ogni doi mês (Franca Mainardis, Il sium di Lissandri); une pagnoche di pan ogni nûf presonîrs, di spartîsi une bocjade par om (Ivano Urli, Storie di Min)
3. pron.indef. cualsisei sorte, cualsisei fate:  i eri usât a sintî di ogni e romai no mi voltavi par nissune peraule, frase, declarazion (Stiefin Morat, Kebar krossè)

Polirematichis e espressions idiomatichis

• a ogni bon cont loc.coniun., loc.av.
• a ogni cost loc.av., loc.adi.inv.
• a ogni mût loc.av., loc.coniun.
• a ogni pas loc.av.
• a ogni pat loc.av., loc.adi.inv.
• a ogni pît alçât loc.av.
• ad ogni mût loc.av., loc.coniun.
• di ogni colôr loc.adi.inv., loc.pron.inv.
• di ogni pêl loc.pron.inv., loc.adi.inv.
• fâ vignî ogni pêl un pan loc.v.
• fâ vignî ogni pêl un pan pe vite loc.v.
• in ogni mût loc.av., loc.coniun.
• lâ par ogni aìne loc.v.
• lâ par ogni vene loc.v.
• ogni cuâl trat loc.av.
• ogni cuâl volte loc.coniun.
• ogni cuâl volte che loc.coniun.
• ogni moment loc.av.
• ogni mût loc.av., loc.coniun.
• ogni pît alçât loc.av.
• ogni pôc loc.av., loc.pron.
• ogni pôc che loc.coniun.
• ogni tant loc.av.
• ogni tic loc.av., loc.pron.
• ogni un tant loc.av.
• par ogni bon cont loc.coniun., loc.av.
• sot di ogni clap loc.v.
• vignî ogni pêl un pan loc.v.
• vignî ogni pêl un pan pe vite loc.v.

Proverbis:

• a sant Martin ogni most al è vin
• aghe, diete e serviziâl fâs vuarî di ogni mâl
• baste che si rivi, ogni strade e je buine
• cjapon di ogni stagjon
• cui che i pese di lavorâ al cîr ogni scuse par polsâ
• di carnevâl ogni mat al vâl
• di ogni dì al ven Nadâl e di martars Carnevâl, di joibe a ven la Sense: a son ducj mats cui che le pense
• domenie di ulîf ogni uciel al fâs il nît
• dulà che si nas ogni jerbe e pas
• dulà che si passe la etât biele ogni piere a fevele
• fin al zenoli ogni voli, dal zenoli insù nome jo e tu
• i avocats a vendemin di ogni timp
• il biel e il bon i plâs a ogni mincjon
• il brût di gjaline al va par ogni aìne
• il cjapon al è bon di ogni stagjon
• il cristian al à di fânt di ogni man
• il flôr tal cjamp, lu jude ogni sant; l'om tal mont, Diu lu jude ogni tant
• il masse e il masse pôc a disjustin ogni mistîr
• il masse e il masse pôc a dissipin ogni mistîr
• il mês di brume ogni diaul si ingrume
• il mês di brume ogni peçot si ingrume
• il Signôr al è piçul ma al cres ogni dì
• il Signôr nol paie ogni sabide, al va ben planc ben planc, e vie pal timp al va tacant
• il sorc tal cjamp bisugne che lu judi ogni sant
• il timp al sane ogni plaie
• in timp di vuere ogni arme e scuse
• injù ogni sant jude; insù nissun no si impace
• l'amôr ind fâs fâ di ogni colôr
• la clâf di aur e vierç ogni puarte
• lis feminis ogni an a deventin plui zovinis
• Nadâl al ven di ogni dì
• ni ca dal miedi par ogni mâl, ni ca dal avocat par ogni lît e nancje po par ogni sêt ca dal bocâl
• nissun nol va te buse, ogni muart e à la sô scuse
• no bisugne fermâsi a ogni ostarie
• ogni an al passe un an
• ogni biel bal al stufe, ogni bon pan al fâs la mufe
• ogni biel zûc al stufe, ogni bon pan al fâs la mufe
• ogni biele rose a va in fen
• ogni bocje il so pistum
• ogni cambiade une brusade
• ogni cit il so cuviert
• ogni cjâf la sô idee, ogni cjase il so costum, ogni bocje il so pistum
• ogni cjâf la sô opinion
• ogni cjâf une idee, ogni idee un interès
• ogni cjamin il so fûc
• ogni cjamp la sô jentrade
• ogni cjan al è leon a cjase sô
• ogni cjan al laude la sô code
• ogni cjan al laude la sô code, ogni femine il so frut
• ogni cjase al è il so diaul e tai convents a son siet diaui par cop
• ogni cjase e à la sô crôs
• ogni cjavret al à di fâ il so saltet
• ogni cjavret il so saltet
• ogni cjosse a timp e lûc
• ogni cûr il so misteri, ogni cjase il so costum
• ogni dì al cjante il gjal e ogni dì al ven dì
• ogni dì e passe chê zornade
• ogni dì e ven gnot
• ogni dì la muart e ven
• ogni dì no je fieste
• ogni dì no va cussì
• ogni dì nol è soreli
• ogni domande no merte rispueste
• ogni dret il so ruviers
• ogni ecès al è viziôs
• ogni ete si acete
• ogni ete si compete
• ogni fadie e merte premi
• ogni famee al è un demoni e al mene la code pardut
• ogni farine no je buine par fâ ostiis
• ogni flôr te sô stagjon
• ogni fros la sô ombrene, ogni om il so difiet
• ogni fros o vin la nestre ombrene
• ogni frut te sô stagjon
• ogni fuee e à il so mani
• ogni garoful la sô spine
• ogni gnoçade la so straçade
• ogni gote e cuince un fasûl
• ogni grant maravee e dure trê dîs
• ogni grop al ven al pietin
• ogni intardament al puarte pericul
• ogni jerbe e à la sô lidrîs
• ogni jerbe e devente fen
• ogni jerbe e fâs la sô semence e ogni len la sô pome
• ogni jerbe intun fas
• ogni jerbe la sô lidrîs
• ogni lamp al à il so ton
• ogni lavade e je une fruiade
• ogni lavade e je une scussade
• ogni leghe si coleghe
• ogni len il so carûl
• ogni len la sô pome
• ogni lôf al à il so côf
• ogni mâl al à il so rimiedi
• ogni mâl cun cualchi scuse
• ogni mâl par cualchi ben
• ogni marcjât al dure trê dîs
• ogni maridaç il so burlaç
• ogni maridaç il so lengaç, ogni marideç il so peteç
• ogni mat al pâr savi cuant che al tâs
• ogni mês si fâs la lune, ogni dì si impare une
• ogni mincjon al sa lâ pal biel timp
• ogni moscje e beche
• ogni muart cu la sô scuse
• ogni mulin al à la sô aghe
• ogni mulin al vûl la sô aghe
• ogni paîs la sô usance, ogni cjase il so costum
• ogni pâl la sô buse
• ogni pan al à la sô croste
• ogni pêl al à il so çoc
• ogni peraule no merte rispueste
• ogni pietin pal so cjâf
• ogni pît tal cûl al pare indenant
• ogni plante e à la sô lidrîs
• ogni plat il so savôr, ogni man il so lavôr
• ogni plui piçule magle e dissipe un tapêt
• ogni pôc al è alc
• ogni pome e à il so mani
• ogni pome te sô stagjon
• ogni porton il so batel
• ogni principi al coste fadie
• ogni promesse al è un debit
• ogni puar om, al sa lâ pal timp bon
• ogni regule la sô ecezion
• ogni robe e à il so timp
• ogni robe e va cjolte pal so viers
• ogni robe te sô stagjon
• ogni sant il so lumin
• ogni sant il so miracul
• ogni sant la sô cjandele
• ogni sant, piçul e grant
• ogni scuse e je buine par tant che e tache
• ogni scuse e plate une buse
• ogni scuse e tapone une buse
• ogni semeneson a la sô stagjon
• ogni setemane e ven sabide
• ogni simil al ame il so simil
• ogni strussi al merte paie
• ogni surîs e à dôs busis
• ogni trop al è masse
• ogni trop al romp il grop
• ogni uciel al cîr il so nît
• ogni uciel nol cognòs il gran
• ogni vile la sô usance, ogni cjase il so costum
• ogni vît il so pâl
• ogni vuarp al brame la sô lûs
• ogni vues a so sît
• ogni zei al à il so cempli
• ogni zocul al à di fâ il so sgrip
• ogni zocul al fâs il so salt
• par distudâ il fûc ogni aghe e je buine
• par ogni sant i vûl la sô cjandele
• par ogni uciel il so nît al è biel
• passade la cincuantine a 'nd è une ogni matine
• passât il glotidôr, passât ogni savôr
• purcit di mulinâr, cjan di becjâr, fantate di ostarie no convegnin ogni massarie
• sant Blâs ogni gjalinate e fâs
• sant Roc i da la clâf a ogni pitoc
• scomence che po ogni sant al jude
• sinç e rude ogni mâl distude
• tilulì tilulì, ogni dì no va cussì
• une ore ogni mat al lavore