ognidun
/-ùn/
o|gni|dun
[FO]
-
pron.indef.
dome sing., ogni persone, ancje in sens gjeneric:
a tacarin la rive, insiemi, ben planchin, ognidun cul so pês e i siei pinsîrs (Maria Forte, Chê massanghe plui grande);
lis decisions dal om a vegnin cjapadis, simpri, cun chel pôc di cjâf che ognidun al à e a la lûs di chel pôc che al sa (Roberto Ongaro, Il muc);
la gnot dai Sants dutis lis animis a van in procession pal cîl penç di plovisine; e ognidune e jentre infalibile a cjase sô, a bevi tai cjaldîrs (Dino Virgili, La gnot dai muarts)
Var. ogniun
, ognun
-
al pues riferîsi ancje par robis, concets e v.i.:
la vite des dôs comunitâts e le dilunc ognidune a so mût (Josef Cjargnel, I pagans di Muine);
ognidune di chês cjasis e sarès lade ben par lôr doi (Agnul di Spere, Vivi a Codroip)
Proverbis:
- a fiestis di Nadâl, ognidun al so cjavedâl
- cuant che ognidun al à il so, il diaul nol à nuie
- daspò fat ognidun al da consei
- daspò fat ognidun al sa fâ
- l'om franc si cuiste la stime di ognidun
- l'om sincîr si cuiste la stime di ognidun
- madone e brût: ognidune a so mût
- ognidun a tuartis tal so bosc
- ognidun al à i siei nemîs
- ognidun al à la sô crôs e cui che no le à se fâs bessôl
- ognidun al crôt ce che al desidere
- ognidun al è fi des sôs azions
- ognidun al è paron a cjase sô
- ognidun al è siôr se al sa contentâsi dal so stât
- ognidun al impare a sôs spesis
- ognidun al mangje cu la sô bocje
- ognidun al po fâ ce che al vûl
- ognidun al po murî, il vieli al scuen
- ognidun al sint cu lis sôs orelis
- ognidun al viôt cui siei voi
- ognidun che al cjali a cjase sô
- ognidun che al fasi ce che al po
- ognidun che al fasi il so mistîr
- ognidun che al lavori de sô art
- ognidun che al pensi ai fats siei
- ognidun che al pensi par se
- ognidun che al proviodi ai câs siei
- ognidun che al stedi cui siei
- ognidun cul so sac che al ledi a marcjât
- ognidun le pense a so mût
- ognidun par se e Diu par ducj
- ognidun sa di se e Diu sa di ducj
- pal fat so, ognidun al è bon
- par fâ il fat so ognidun al è bon
- Pasche e Nadâl ognidun tal so cjavedâl
- ro ro, ognidun a cjase sô
- tirâ il pont tant che si po, ma dâi a ognidun il so