montagne
/-à-/
mon|ta|gne
[FO]
-
s.f.
rilêf de tiere plui alt di 600-700 metris:
lis montagnis plui bassis al someave di tocjâlis cu la man e nome la mont Cjanine e veve in ponte un sbrendul di nûl blanc e sutîl (Alan Brusini, Par stradis lungjis);
montagnutis ribassaitsi / fait un fregul di splendôr / tant che o viodi ancje une volte / là che o levi a fâ l'amôr (Popolâr, Montagnutis ribassaitsi)
Sin. mont1
-
s.f.
zone de tiere cun rilêfs di plui di 600-700 metris:
la zoventût, di fieste, e va a cjapâ i aiars o a bevi lis aghis in montagne (Josef Marchet, Lis predicjis dal muini);
int di montagne, ferme e risolude, usade a tignî dûr cence pôre e cence premure (Josef Marchet, E se no nus dassin la autonomie)
Sin. mont1
-
s.f.
(fig.)
grande cuantitât:
chê vitorie che e veve costât montagnis di muarts e pôris e fadiis ai vîfs di nancje discori (Alan Brusini, Chei de vuere dal '15);
alì dongje, suntune cjadree, une montagne di regjistris vecjos e gnûfs (Pieri Somede dai Marcs, Pre Josef)
Sin. flum
, mâr1
, mont1
, sac
, sdrume
, sglavin
, grum
Polirematichis e espressions idiomatichis
Proverbis:
- a son tancj i mus in montagne che a àn la code compagne
- cuant che il cuc al va in montagne, nol torne jù se no si bagne
- da la plui grant montagne al ûf de ruie, ce che tal mont al è fat, nol è par nuie
- i umign a cjaminin e lis montagnis a stan fermis
- montagnis claris, ploie vicine
- scure la marine: mangje, bêf e sta in cusine; clare la montagne: bêf e va in campagne