mataran
/-àn/
ma|ta|ran
[AF]
-
adi., s.m.
che, cui che al à un compuartament strani, ideis straniis, che nol resone in maniere normâl:
o crodevi che al fos un mataran cu la sô teorie des divinitâts alienis che a vevin modificât l'om… (Checo Tam, Sense);
a jerin dutis strambariis che a vignivin capidis e perdonadis cun facilitât de societât e dal public. "Un campion al devi sei ancje mataran! " a disevin ducj (Stiefin Morat, Gjeometriis)
Sin. matucel
, maturli
, strambel
, mataniç
, matescul
, strambere
, murlac
, mat
, matuç
-
(fig.)
ancje di elements inanimâts, animâi, events e v.i., che si movin di un continui o a sucedin in maniere iregolâr, che no si rive a previodi:
là jù, sot un cjar, / un feralut mataran che al bale / e al par un fûc svoladi (Francesca Marini Barnaba, Pâs)
Sin. mat
, matuç
, matucel
, balarin
-
adi., s.m.
che, cui che i plâs la ligrie, che si compuarte in maniere legre o ridicule:
al jere un gust a lâ in file là di lôr, un plui mataran e gjubiâl di chel altri, come che a jerin! (Josef Marchet, Lis predicjis dal muini);
"Ce volêso paron, i alpins e son matarans, ur plâs di mateâ" (Alan Brusini, Amîs come prime);
"Jacum, Jacum o vês ogni dì une gnove, simpri il solit mataran" (Angelo Covazzi, Domandait al paron)
Sin. bacanon
, brighele
, burlon
, compagnon
, fraion
, fraiot
, purcjinel
, ridicul
, zuiatulon
, bufon
, paiasso
, matucel
, zugulon
, mataniç
, matescul
, matuç
-
che al pant bon umôr, ligrie, che al è fat par ridi:
puarte un dopii di rabuele, / puarte un altri di nostran; / fûr un cjant, ma no di scuele, / che al sei legri e mataran (Antoni Bauzon, Vilotis dal vin)