ridicul
/-dì-/
ri|di|cul
[AF]
-
adi.
che al fâs ridi, che al à il fin o l'efiet di divertî e di fâ ridi:
dut al jere pront pe farse, ma clame ca, clame là, chel zovin che al veve di sostignî la part plui ridicule nol rispuindeve (Pieri Somede dai Marcs, In teatro);
la parone e tacà subit a tormentâ Jacum, par vie che e voleve sintî une des sôs contis ridiculis (Angelo Covazzi, Il treno)
Sin. comic
, di ridi
-
s.m.
ce che al fâs ridi, aspiet comic, divertent, umoristic e v.i.:
un prin at che ogni tant al sbrisse in maniere pericolose un tic masse tal ridicul, intun spetacul gjavât fûr di une opare fate par jessi un pont fer par un ûs «alt» de lenghe furlane (Redazion La Patrie dal Friûl, La lungje tele di Penelope)
-
adi.
(spres.)
che al à difiets, mancjancis, disarmoniis, debilecis e v.i. in misure tâl di fâ ridi:
no mi jere plasût propit nuie: ni il mût, ni la conclusion. E mancul inmò mi poche someâ ridicul (Alan Brusini, Gian Paolo Linda, I forescj)
Sin. di ridi
, di fâ spreçâ di ridi
, di fâ ridi i claps
-
che nol à nissune o scuasi nissune impuartance, fuarce, cualitât, capacitât e v.i.:
la Costituente e molarà aes Regjons talianis une parence ridicule di autonomie (Josef Marchet, Cuarde e savon);
si sintive un frut bon di nuie. Ridicul, propit, e stupit (Pieri Menis, Sul agâr)
-
s.m.
cundizion di cui o di ce che al ven ridût fûr o dispreseât:
jo no sopuarti il ridicul, no pues fâmi cjoli vie tal gno paîs (Roberto Ongaro, Cretevierte)
-
s.m.
cui che al fâs ridi chei altris, di pueste o par vie che al ven cjolt vie:
al è muart Bandiere, il ridicul dai fruts; nissun nol à mai savût parcè che lu clamavin cussì (Pieri Somede dai Marcs, Bandiere)
Sin. paiasso
, mataran