manovrâ
ma|no|vrâ
[AF]
-
v.tr.
(ancje ass.)
controlâ i moviments di un mieç di traspuart, di un machinari, di un imprest e v.i.:
el gondolîr mi à presentât, dute smacaiade, la preziose canute, che al veve podût recuperâ a fuarce di manovrâ cul rem. Smacaiade, va ben, ma salve! (Arturo Feruglio, Viaç a Vignesie);
al sintive il trictrac dal telâr in vore, manovrât cui pîts de femine e il scori de navisele sui fîi tirâts (Pieri Menis, Chei di Muraie);
par fâ pratiche [di menâ la machine], si faseve menâ fint a Rivolt, tes pistis dai aparechios e alì, tal larc, al podeve manovrâ di ce bande che al voleve (Antoni Beline, Pre Pitin)
Sin. menâ
, movi
, vuidâ
, messedâ
-
(ancje ass.)
fâ moviments in gjenerâl:
siore Teodolinde e à i voi fûr dal cjâf. Siôr Santin si suie el sudôr e, a fuarce di manovrâ cu lis mans, al pracure di cuietâ la femine (Arturo Feruglio, Lis cjichis dal papà)
-
v.intr.
di mieç di traspuart, fâ i moviments che a coventin par metisi intune cierte posizion o direzion:
no isal un autosocors li, cumò, che al manovre? Che al è daûr a cjariâ une machine? (Laurin Zuan Nardin, Tuuut… Tuuut… Tuuut…)
-
v.tr.
(fig.)
fâ che cdn. al fasi alc che si compuarti intune cierte maniere, in fuarce di autoritât, influence, coruzion e v.i.:
une des tantis comediis, cuntune schirie di inteletuâi e professôrs a fâ di atôrs, manovrâts di cui che ju paie o che al promet di paiâju (Franc Fari, Il cjâf dai furlans)
Sin. menâ
, movi
, zirâ e voltâ
, doprâ
-
fâ fâ une funzion a alc:
i partîts a manovrin ancje la cagnere plui insignificante come une arme cuintri i lôr aversaris (Josef Marchet, Diferencis)
-
(ass.)
compuartâsi intune cierte maniere, soredut in manere complicade o platade, par otignî un ciert risultât:
[i partîts] a comencin, invezit, a manovrâ e a traficâ par preparâ gnovis elezions (Riedo Pup, Sot vie o injenfri)
-
v.intr.
[TS]
milit.
fâ moviments coordenâts daûr di plans definîts:
il mio plui grant divertiment al ere chel di stâ in zardin des bielis oris a viodi la trupe a manovrâ, o assisti a une parade (Giovanni Gortani, Trê Rafaei in jerbe)
-
v.intr.
sport
intai zûcs di scuadre e massime intal balon, puartâ indenant une azion elaborade intune cierte maniere