Dizionari de Lenghe Furlane

madone  /-ò-/  ma|do|ne  [FO]

1. s.f. mari dal om o de femine che si à maridât:  tornâts [dal viaç di gnocis] o sin rivâts a Godie a saludâ madone e missêr pe prime volte dopo che o jerin sposâts (Mario Beltramini, Jo e Graziella); tu sâs che o vevi mê madone impotente tal jet, e no podevi lassâle bessole (Maria Forte, Dome la cjampanute di Sant Bortul); zelosiis, diferencis, mustics… une robe sù par jù come fra madone e brût (Antoni Beline, Pre Pitin)
   Var. suesare
   Cfr. missêr , brût² , zinar
2. s.f. [FÛ] titul di rispiet par une siore o une muinie:  si dismôf il pas di cualchidun, che al finìs tune vuicade dal clostri su la puarte. Madone Matiusse e jentre tremant (Dino Virgili, La Çucule)
   Sin. done
3. s.f. viôt Madone

Polirematichis e espressions idiomatichis

• can da la sô madone loc.inter., loc.s.m.
• de madone loc.adi.inv.
• no jessi ni sants ni madonis loc.v.

Proverbis:

• content Diu, ancje la Madone e je contente
• il Concei di Trent al à leât il diaul cuntun cjaveli de madone
• la brût su la puarte e la madone muarte
• lis madonis a son buinis chês che a son te nicje
• lis madonis a van ben picjadis sù pal mûr e lis brûts inte cite
• madone e brût: ognidune a so mût
• sta cun Diu che la Madone e je contente