Dizionari de Lenghe Furlane

Madone  /-ò-/  Ma|do|ne  [FO]

1. s.f. dome sing., cun iniz. maiusc., Marie mari di Crist:  ai tant preât parcè che la Madone mi judi, mi insegni la strade (Pieri Somede dai Marcs, Vilie di Nadâl (teatri))
   Sin. Vergjine , Mari
   
   1. ancje minusc., rapresentazion artistiche di Marie:  a vevin di puartâ la Madone te procession dal perdon (Josef Marchet, Lis predicjis dal muini); la stanzie e jere plene di sants e di madonis cul lumin impiât (Alan Brusini, Come tai romançs)
   2. dispès in denominazions di santuaris, lûcs, zornadis, celebrazions dedicadis a Marie mari di Crist:  Ustin al jere lât cui amîs a Madone di Mont (Cristina Noacco, Faliscjis); Sant Pieri e Madone di Avost, sagris dai fornasîrs (Dino Virgili, La aghe da pît la cleve)
2. inter. in esclamazions o imprecazions:  Madone Sante ce raze di int (Pieri Somede dai Marcs, Un pugn di moscjis); o soi restât incocalît. Madone santissime cetante siorie! (Arturo Feruglio, Viaç a Vignesie)
   Sin. Vergjine , Mari sante , Jesus Marie , madocule
   
   1. minusc., imprecazion blasfeme, espression di rabie:  dopo vê tirât jù cuatri madonis di chês, ze ben che gji fasin buna la domanda [di vê la pension] (Bruno Beltram, Robis di chenti a slas)
      Sin. blesteme , corpo , corponon , mocul , porco , porcon , sango

Polirematichis e espressions idiomatichis

• can da la sô madone loc.inter., loc.s.m.
• de Madone loc.adi.inv.