logâsi
lo|gâ|si
[CO]
-
v.pron.intr.
metisi intun lûc, cjapâ un puest o une posizion:
sot une ploie che Dio la mandave si loghìn, solitaris, su la ponte da la imbarcazion (Arturo Feruglio, Viaç a Vignesie);
si jere logât, cul so biroç di gue, tun cjanton de place dal domo (Roberto Ongaro, Cretevierte)
Sin. metisi
, plaçâsi
-
metisi intun puest scuindût, par no jessi cjatât:
il re al fo cjatât sot une mede di stran, indulà che al jere scjampât a logâsi, e al fo fat presonîr (Alviero Negro, Riedo Pup, Maletegne)
Sin. platâsi
, scuindisi
, nascuindisi
-
v.pron.intr.
lâ a stâ intun puest, in câs in maniere provisorie:
il nestri Comun al someave dut une caserme. A si jere logade la brigade Marche, mostrinis blu e blancjis (Pieri Somede dai Marcs, Sul prât Soreli);
ur disè che a entrassin in chel bosc a man drete, e che prest viodaressin un biel palaç dulà che ducj podaressin logâsi (Valentino Ostermann, Il mont ca al cole)
Sin. lozâsi
, stabilîsi
-
v.pron.intr.
metisi o jessi intun pont o intune dade temporâl, intune aree concetuâl, intune situazion o cundizion:
inte stesse linie si logaran i esperiments di dizionari plurilengâl di Comeni (Mario Turello, Il brevet)
-
v.pron.
cjatâ une sistemazion professionâl:
el fradi de massarie al à cjatât di logâsi pulidut là dal cont Vendramin di Vignesie (Arturo Feruglio, ... E po dopo baste!)
Sin. sistemâsi
-
v.pron.
maridâsi:
come si fasial, Signorut benedet, a no pensâ a logâsi cuant che si à vincjevot agns e passe? (Arturo Feruglio, La prove)
Sin. sistemâsi
, maridâsi
, meti sù famee
, plantâ famee
, sposâsi