istint
/-ìnt/
is|tint
[AF]
-
s.m.
fuarce native di ogni animâl che e determine atitudins no imparadis, che in gjenar a smirin ae conservazion dal individui e de specie:
nel prin moment del pericul l'istint de la vita e la vôs dei agn zovenîi gji vevin fati dismenteâ ogni roba. Veva provât il bisugn di salvâsi, veva mitût in chista sola idea lis sôs fuarcis (Federigo Comelli, Il me paîs)
Var. instint
Cfr. nature
-
s.m.
capacitât, facoltât, atitudin, sensibilitât no imparade, che si à par nature o che e je cussì compenetrade di someâ naturâl:
e stave atente a dut, ancje di gnot, jevantsi sù a straoris. Il so istint di femine, di mari, le tignive simpri in vuaite, simpri impiade come une cjandele tal scûr (Pieri Menis, Chei di Muraie);
par oris e oris i vignivin a tîr dome scriçs e favitis, e po dopo al saltave fûr di colp il jeur o il fasan. Il so istint di vecjo cjaçadôr al jere dut imboreçât (Carlo Sgorlon, Prime di sere)
Sin. inclinazion
, propension
, talent
, vocazion
-
s.m.
impuls spontani:
il voli mi colà sul cavalet che al jere taponât cuntune tele blancje e jo, cussì, cence nancje tant interès, vadì nome par chel istint che al ven dibot a ducj, se si viôt alc di cuviert, di discuvierzilu […] o alçai chê tele (Roberto Ongaro, Cretevierte)
Sin. sburt
-
percezion, impression no pensade cun timp, ma che dispès e puarte a interpretâ te maniere juste une situazion ancje cence vê ducj i elements par fâlu:
Firmato al jere par rispuindii che lôr doi nancje no si cognossevin, ma l'istint lu veve conseât di tasê (Gianni Gregoricchio, Îr e doman)
Sin. intuizion
, nâs
, usme