Dizionari de Lenghe Furlane

inmagament  /-ènt/  in|ma|ga|ment  [BF]

1. s.m. facoltât, azion, efiet di fâ sucedi robis che a son cuintri des leçs naturâls, in maniere misteriose, cun formulis, filtris e v.i.:  e soflave cun gracie su la musute dal frutin e po cul inmagament e zirave tor a tor simpri plui fuart cu la zee intal braç di mût che il frutin scjassât al vierzeve i vogluts e al cjalave il mont visibil (Adina Ruffini, Madone di Trave)
   Sin. magjie , striament , incjant¹ , striarie , strieç , magheç , strioneç , incjantesim , incjantament
   Cfr. incontradure , scontradure , malvoli , tristvoli , bramazion
2. s.m. [CO] (fig.) facoltât, azion, efiet o situazion che a somein plens di magjie:  di colp la musiche si fermà: la cjarie dal carillon e jere finide crevant il lamp di inmagament che ju veve cjapâts drenti (Mario De Apollonia, Il timp par ledrôs); e stentà a usâsi une altre volte in cjase sô, che jê, cuant che e veve scugnût bandonâle, le viodeve ancjemò cui voi di frute, e cumò ogni inmagament al jere sparît dal dut (Gianni Gregoricchio, Trê feminis)
   Sin. magjie , striament , incjant¹ , striarie , strieç , magheç , strioneç , incjantesim , incjantament