Dizionari de Lenghe Furlane

incjantament  /-ènt/  in|cjan|ta|ment  [CO]

1. s.m. facoltât, azion, efiet di fâ sucedi robis che a son cuintri des leçs naturâls, in maniere misteriose, cun formulis, filtris e v.i.:  daûr di lôr al ven un incjantament... la puarte si sfante in nuie... (Sandri Di Suald, Tarvos e i benandants)
   Sin. magjie , striament , incjant¹ , striarie , strieç , magheç , strioneç , incjantesim , inmagament
   Cfr. incontradure , scontradure , malvoli , tristvoli , bramazion
2. s.m. (fig.) facoltât, azion, efiet o situazion che a somein plens di magjie:  sposantsi i pareve di jessi jentrât tun mont dut gnûf, iluminât di une lûs dolce di serenitât, dulà che i pareve di scugnî cjaminâ in ponte di pîts par no rompi chel incjantament (Pieri Menis, Sul agâr); il Natison al smalite tune sagre di fantasie e di flabe, tun incjantament di colôrs e di riflès (Dino Virgili, Il festival sul Natison)
   Sin. magjie , striament , incjant¹ , striarie , strieç , magheç , strioneç , incjantesim , inmagament