Dizionari de Lenghe Furlane

ingrintâsi  in|grin|tâ|si  [CO]

1. v.pron.intr. jessi cjapât di une sensazion di contrarietât violente:  i doi partîts scomençavin za a ingrintâsi e a dîsint une par sorte (Luigi Gortani, Il tor di Mueç); «Aial dibisugne di une man, siôr paron?» «Ce man, ce man» si ingrintave lui. Cuant che i passave la fumate, Ulive e tentave di disii alc, ma lui no le abadave (Maria Forte, La tiere di Lansing)
   Sin. imbissâsi , inliparîsi , inriçâsi , invelegnâsi , lâ in bestie , lâ in lipare , riçâsi , scjaldâsi , scoroçâsi , stiçâsi , velegnâsi , imbesteâsi , alterâsi , besteâsi , cjicâ , imbilâsi , grintâsi , scjaldâsi il fiât , spasimâsi , sustâsi , cjapâse , infotâsi² , rabiâsi , inrabiâsi